Mahriaktea ka awm khawhar changin hring chan chhung hian hmangaihna nge pawi mawh ang? sum tih hi ka ngaihtuah fo thin. Eng zawk hi nge thupui a? khawi zawk hi nge pawimawha, thil tithei zawk reng reng?? han enchhin teh ang u.

Sum chu taksa tan thil engkim tobul/ bultumtu a ni.

a, Hausakna: Mi hausa nih i duh chuan sum nei teuh mai rawh.

b, Hlimna    : Sum thahnem tawk tak, ka pocket-ah a awm a ni tih hre ran chunga nula han zui hi a nuamin a va hlimawm mai mai. Mahse naktuk ei tur kan nei lo, ei bar leina tur sum kan nei bawk si lo tih hre ran chung chuan hlim taka zan mut a har hle..

c, Hlawhtlinna ; Mi hlawhtling hriattheihna chu sum bawk hi a ni. Chuan, tun laiah chuan engpawh ti dawn i la sum nen bawka bul tan a ngai. Zirna run sang bel dawn pawh ni i la, sum dawngin vakchhuak dawn pawh ni i la,,adt....

d, Mawina/ hmelthatna:

 I pianpui i taksa/ vun ngei chu tun aia a lo ngo, mam, mar leh mawi i duh chuan lotion leh make-up chi hrang hrang i hmang thin. I taksa hliahkhuhnan silh leh fen i inbel ngei a ngai. Kan taksa'n a mamawh lotion leh make-up te, silh leh fen te pawh hi sum tel lo chuan duh zawng a thin thei meuh loh. Sum ngah ngah hmeltha tih hi tisa danah chuan a dikna lai thui tak a awm tak zet a ni.

e, Nunna    : Kan taksa a dama a nun khawchhuah theihna tur chuan ei bar leh in tlakchham loh a tul. Ei leh bar leh in tur tlachham lova kan neih theihnan eng dang a ngai lo, sum tih loh chu.

f, Sualna    ; Mahse sum chu sual lam kawnga mi hruaitu a ni thin tlat. Sum ngah luatah thil ni lo lo khawih kan chinga, sum duh luatah dawt sawi pawisak lohna a lo thlenga, sum mamawh luatah rukrukna a lo awm thin. 

Hmangaihna chu chhungril lam tan engkima bultumtu a ni. 

a, Hausakna ; Sum vanga hausakna chuan lawm ni leh tah ni a thlen thin laiin Hmangaihna atanga chhuak, chhungril lam hausakna ve thung chuan lawmna vanga tahna tih loh chu lawmna famkim hlir a thlen thin.

b, Hlimna     : Hmangaih duh takte nen a nih pawt chuan bahra khur chauh ( or ) chawh?? pawh a hlimawm thin ngei tak mai. Engemaw vanga rilru retheih, mangan lai taka kan hmangaih ber, bawihi/ bawiha han tawn thut te hian thawk leh khatah rilru buaina, manganna a bo vek thei nia maw le.

c, Mawina/ hmelthatna: Mi te angin a tisa/ vun leh a sakhmelah te lotion leh make-up man to tak tak inhnawih thei lovin a silh leh fen inbel te pawh'n a lenrual thawmhnaw ban mah suh se, hmangaihna chuan a hmu mawiin a hmu hmeltha vek mai a ni.

e, Nunna  : Hmangaihna chu thinlung, chhungril lam hlimna zedik thlentu a nih si chuan, Hlimna chuan dam reina min thlen ve ngei bawk ang.

f, Thatna  : Hei tak hi a ni ka thupui innghahna chu. Thil dang zawngah hi chuan sum a nih vang ngawta dem bik viauna tur ka hre lo. Mahse he thuah zet hi chuan," Sum chu kawng tha lo( ruihtheih thil ngeinatna, nawmsip bawlna, tualthahna, rukrukna..adt.. ) lama mi kaihruai theitu hmanrua tha ber a nih laiin Hmangaihna erawh kawng tha lo laka ta mi hruaichhuakin kawng dik lama mi hnukluttu" a nih tlat avangin Sum ai Hmangaihna hian thil a lo tithei zawk a ni. "Sum chu sual laka tlukna, chhungkua, u leh nau, thian tha inlaichinna tichattu, rinawmna thlauh tir theitu a nih laiin Hmangaihna erawh chu chhungkhua, u leh nau, thianthate mai bakah, hmelma te lam nena inngainatna siamtu a ni. Thatna huanga mi hnuklut thei hmanrua tha ber a ni a, rinawmna leh chhelna mi petu a ni."

   Chuvang chuan " Hmangaihna tel lova sum chauh hmachhuana chhungkua i enkawl chuan khua rei a daih dawn hauh lo a nia. Ei leh bar, silh leh fen, thil dang reng rengah mi te neih ang nei pha lo mah i la Hmangaihna a bul tan hi inngaih dial diala dam khawchhuahna a ni. Sum hi kan innghahna bul bera kan hman chuan sum awm tawh loh hunah innghahna kan nei tawh dawn lo a ni a. Aw,, hmangaihna,, hmangaihna,, kan chhungkua min khaikhawmtu, kan innghahna bul ber ni tlat ang che."