Mi tam zawk chuan Beer hi sualah kan ngai lova, Beer tam tak in aiin zu( wesky ) lem khat chauh tlak pawh kan ngai sual hle thin. Mahse beer hi mizo tawng chuan hmeichhia zu, zu dal chi tih a lo ni ve leh mai a. Zu hi sualah kan ngaih si chuan Beer pawh hi sual a lo ni ve chiang mai. He lam hi chu ka sawi tum a ni lo. Suala ngaite chuan induh leh lo ngai u la, suala ngai lo te chuan lo ngai lo bawk u la. Enge a dihhmun? Eng chen hian nge nghawng a nei reng reng.? I han thlir ho ang u hmiang.

No khat tlak tur hi a huphurhawm hle a, mahse tlatkhat han hlen tawh hi chuan a hnu dang chu lem kuah kuah a nuam tawh hle.

Tha zungzam/ tiril zawng zawng a rawn fan reih reih a, mit a rawn tivai cham cham. Lu a rawn ti hai map map ta bawk.

Tha a rawn tizawin a tikhura, mahse kan chakloh lai ber chu chak lai berah mi a rawn ngaih tir thung. (Tunge mi ngam)2 tih anka dukdak lo zet a ka chhuak nuam tih ber a lo ni ta a.

Nuih a rawn tiza ta chhiam a, tah a rawn tichhuak leh thuai a. Lung a rawn tileng ta vak bawk. Lunglen luatah top up man seng teuh a awl phian.

Ngaih a rawn tisam ta et a, fimharh laia pawi kan tih ho pawh kha pawi lo a rawn ti ta vek a, hmun hla tak atang pawha mahni chenna in pan tang tang thin te pawh kawng kir, mi bathlar hnuai vel chu a laikhumah a siamsak ta ngawt a. Chutih rualin fimharh laia kan ngaihzam theih thil ho chu a rawn ngaizam thei lo leh lawi si. Ngaihdam ni tawh sate pawh phuba lak leh phet a rawn tum a, lung a rawn tichhia ngawih ngawih.

Sex lam han ngaihtuah i la, mi a ti zauthau hma ta bik riau a. Fimharh laia thil mawi lova a ruat  tawh sate pawh a pawm vawng vawng leh ta mai. Mi nu, mi pa tih pawh a sawi hleih theih tawh lo a ni ber e.

Thinlung a rawn tichapo ta vak a, fimharh laia zakzum, ngawichawi ve tak ni thinte pawh mahni fel thu, that thu ringawt a rawn chhamchuah tir ta pawp pawp mai.  Mi a rawn tifing leh ta chiam a, mi thu sawi a ngaithla peih lo. A ma thusawi chuah thiante ngaihthlak tir a duh a. Hre ber, dik ber intihna rilru a lian hle a. A thu sawi laia thu rawn sawi ve an lo awm chuan a lo hmu sakhi ta nghal a. Rin loh taka inban thut a awl thin.

   A tuk khua a lo var a a han harhchhuah ve meuh chuan thiante chu ni zahve lai hna thawkin an lo phusa map map tawh. Hna thulh chuang lova hna intih thawh ve pawhin ar ngui ianga kur ngiai ngiai chunga thawh a ngai. Chutianga hna thawh ai chuan thawh loh law law chu kei ka duh dan a ni miau si a, buai thlak leh zual. Mi, tu tu emaw hnenah min ngaidam rawh aw, ka thiam loh a ni, ka lo rui lutuk a tih tawngkam chu a  fah ta mawlh mawlh a. Mi thenkhatte phei chu hmuh ngamah pawh a ruat tawh lo. Khaw hawi mi tihzim sak a, leiba mi neih tir teuh a. Mahni leh mahni ram kan insiam zim sak hi a ni ringawt. 

   Kha aw, hetiang hian Zu in vangin dinhmun duh awm lo tak kan chang phah a, kan zu in avangin nghawng tha lo tak tak a lo piang ta ngei mai. Heti chung zel hian i la ti tang tang dawn em? Chhanna leh thu tlukna siam chu i kuta nghat a ni e. Kei chu ka paih tawh loh. Tha, zungzam,rilru ngaihtuahna( thin lung/ thluak ) chhunga a rorel dan hi a lian em mai. RORELLIANA bawih nihna a ta ka tlanchhuak daih dawn......