Hmeichhia-te hian an nulai lat atanga zahawmna an vawn theih loh chuan, an hringnun kal zel tur chu a ngaihtuah awm em em thin a ni. Chuvanin, pasal tur in zawnlai (Ngaihzawng in neih) atanga in fimkhur hle a ngai dawn a ni. Vawi khat in chetchhiat chuan he khawvel a in awm chhung zawng harsatna a thlen thei che u a ni. Chuvangin tuna ka post hi chu Nula (zawnglai) te tan lio lio a ni. In pasal zawnna or thlanna kawnga tanpuitu a nih ngei pawh ka beisei.

1. I ngaihzawng chu chungchuang lutuk leh a tul lo thleng thlengin ngaihsak suh ang che. I ngaihsak lutuk tih a hriat hlim chuan a lawm hle anga, mahse nakin a i tan thil thalo leh riru hahna thlentu a chantirtu i insiam a ni ringawt dawn a ni.

2. I ngaihzawng chuan nula dang nen chanchin an nei tih i hriat chuan, mi sawi ring mai lovin nangma mit ngei a hmuh tum la, nula dang a beisei tih chiangkuang tak a i hriat chuan, nangmah a duh tawh lo che a, nang aia tha a hmuh avanga mi dang zui a ni, tih hri la bansan hmak ang che.

3. Nula dang a kawp san che a, i hnen a lo kir leh a nih pawhin lo duh tawh miah suh ang che. Ka duh ang ang in ka awm thei, englai pawhin min lo pawm thei, tiin a chapo sual ang a, chu chuan nangma tan mai ni lo, I hmeichhe pui mi dangte pawh i venpui, i tanpui tihna a ni bawk.

4. In pahnih chauh in awm lai a nula dang a en (en pangai ni lo) a nih chuan, ama hmuh ngei ah tlangval dang en ve daih mai rawh. Tichuan a thikthu chhiat avangin i chungah tawngkam a nei ngei ang. Chutah chiah chuan thikthu chhiat avanga i tawrhna a hriatthiampui thei chauh ang.

5. In inngaihzawn laiin, "Ka hmangaih che" tih tawngkam hmang lutuk duh suh. He tawngkam hlu leh manto tak hi, a ngaihlu lo palh ang. A theih hram chuan thla khat-ah vawi khat emaw vawi hnih emaw chauh hmang mai rawh.

6. I ngaihzawng bul ah tawngtam lutuk suh. Eng thu i sawi pawhin zawite (tawng ring lutuk lo) leh tawi fel tak a sawi thiam tum ang che. Chuti lo chuan i chungah a beidawng dah a nge. Mipa te hian thil hnawk leh inchhung hnawk lutuk chu an ngai thei a, hmeichhe tawng tam ri bengchheng lutuk chu an ngai thei miah lo a nia.

7. Phone i biakin emaw mi dang nen a in inbiakin emaw tawng ring lutuk suh. In len chhuah changin a zahpui palh ang che. Chuchuan nakin hmalam hun tan rahtha lo a thlen thei bawk a ni.

8. Nangmah avanga thinrim-a a inti tau a nih chuan vawi thum thleng chu dawh thei takin thlem ang che. Intih tauh hi hna pakhat ang a ngai a, a tau reng a nih chuan thlem tawh reng reng suh ang che. Ngaia a neih vaih chuan, i tan a hrehawm hle dawn a ni.

9. In inhmuh ngun (in hmuh tam lutuk) a vangin mihringte hi a innin theih hle a ni, tih hria la, I ngaihzawng nen in inhmuh ngun lutuk a vanga a ning deuh che a i hriat chuan, a hmuh phal lo hmun dangah kal san mai rawh. Tichuan a hringnun-a i pawimawh zia leh a tana i hlut zia a hrethiam ve mai ang.

10. A tan hlimna thlentu nih tum tlat la, ti chuan i chunga a hmangaihna nitin a pung zel ang. Inti tau reng suh ang che. Hmeichhe tauh hmang lutuk hi, in ngaihzawn tan tirh chuan hmeichhe tan a nuam vio pawh a ni mai thei. Mahse, khua rei ah heihian rahtha a chhuah pui ngai lo.

11. Nang nen a awm dun a kham emaw a ning tawh deuh emaw a i hriat chuan, tlangval dang nei anga a rinhlelh tur zawngin awm ang che. A thik tur zawngin phone emaw, SMS emaw, Online chating emaw a ni aia ngaihsak zawk nei angin awm daih rawh. Mahse, a tak tak nilo turin fimkhur hle bawk ang che. A thithu chhiat tir duh avanga pawnlam a mipa dang nen inkawp erawh a tha lo. Chuchuan in inkar thu a tih chhiat phah thei bawk. Hrthiam tur a inzirtina lam ni lovin, damchhunga inhlatna lam a thlenpui thei zawk bawk.