Thuhma
     Tunlai chu Zobawm luh a nuam khawp mai, kan hriat chhun te thupral mai lo in Zobawm tualzawlah kan chhuahpui hlawm a, a lenglut tu te tanpawh nuam tawhkhawp mai. Tulai chu ka post ngun mawlh mawlh lutuka kan thlahrung ve deuh he he he.. Zobawm Wibsite ang hian, Wesite dangah ka post ngai lo. A then a zawng chu  thaikual thin ve ani, tuna hma in Zobawm thu post reng reng chu kar hnih\ thum lai reithina midangte hian an chilkhat hneh lo em a.. tun chu kan lungrual zia leh kan in pumkhat zia a lang tawh a vang hian ka lawma,  Tan kala zualsauh a ni. Tuntum pawh Mipa leh Hmeihchhia tih i lo chhiar ho  leh ang U!

Hmeichhia
         Mipa chu ngaihnatawm hle mah se, a nunràwng ru tlat si. Mahni hma a sial em em a, thilpêk lam pawh a ui lo hle. Rei lo te chhûng chu hlim takin min siam a, a hnu lawkah kan mittui an titla a, hlimna tam tak min pe thîntu khân rilru natna leh thinrimna sawi hleih theih loh min pe tel bawk a. Anmahni avângin tuar nasa hlein thinlung tikehsawm vek mah ila, ka hmangaih bâng thei chuang lo - mipa a ni tlat atin ni.

Mipa
         ‘Ka theihnghilh’ ka tih lai pawhin ka rilru-ah a awm reng a, ‘Ka hua’ ka tih lai paw'n ka hmangaih ber si. Mitchhînsan ka tum pawhin a hmêl chu chiang zâwkin ka hmu thîn a; a thu min hrilh te chu theihnghilh tum mah ila, ka bengah a thusawi aia ring a awm si lo. Hmêltha tam tak kârah pawh a hmêl chauh ka hmu thîn. Ka thinlung hian hlat tum mah se, engtik lai mahin ka thei ngai lo. Chuti taka ka hmangaih chung pawhin min la ringhlel fo si. Hmeichhia tak hi chu aw..

Hmeichhia
         A bulah mittui tla zawih zawihin ka hmangaih thu hrilh mah ila, ani chuan beiseina thinlung ka put a phal ngai lo. Ka ngaihthlâk duh min hrilh se ka tihte'n ka ngaihthlâk duh min hrilh ngai si lo; engtikah nge hmangaihnaa silfai ka nih theih tâk ang le?

Mipa
         Ring tak a auvin a hnênah ‘Ka ngai che’ ti lo mah ila, ka ngaih zia thup ka tum chuang lo. A hmêl hmu lo mah ila, a âw ka theihnghilh ngai lo. ‘Ka hmangaih che’ tiin a tângah bei kher lo mah ila, ka hmangaih zia a hre tho si.

Hmeichhia
         Thenna biahthu an sawi lo, mawi takin thangvân sángah an êng a, mahse, anni zawng Chawngmawii leh Hrangchhuana an ni. Kei pawh ka taksa hi thlarauva thlâk danglam a nih hunah chuan vânah mawi takin ka la pârvul ve ngei ang. Chutih hunah chuan hmangaihna hian min tina leh tawh ngai lo vang. Thinlung atanga chhuak hmangaihna dik tak chu tu emaw tal chuan hlutna châng an la rawn hre ve ngei àwm si a. Chutih hunah chuan hmangaihtu ngaia ka hrehawmna hian hriatreng a hlawh tawh lo vang.

Mipa
         Vaukam te chu engtikah mah intâwk dâwn lo mah se, tuifinriat phuarnghettu an ni si. Thla leh arsi te pawh khi engtikah mah hlâwm khatin an awm ngai lo vang; mahse, vân boruak zau tak timawitu an ni si. Thiantha te pawh inhmu châin awm thîn mah se, an duh chu a thleng dik kher lo, mahse, inthianthatna erawh an thinlung chuan a vawng reng thîn. Chuti ang bawkin ka hmangaihna hian engtikah mah hriatthiam hlawh ngai lo mah se, hmangaihna tihlu tu a ni si. Hmangaihtu haider chuan hmangaihna a hrethiam thei ngai dâwn em ni?

Tunge thiam zawk?