Zofate tual lenna, Mitin mil Zobawm Run
MIHRINGTE HI KAN THIH HIAN KAN THARAU CHU KAN TAKSA ATANGIN A CHHUAK TAK TAK IM NI? RIHDIL A PALTLANG EM NI?
Padma Shri A. Sawihlira
Hei hi thlarau lama mitthite kan ngaih dan a ni ber mai a,sawi fiah theih a har khawp mai. Pi-pute chuan kan thih veleh hian kan thlarau chu a chhuak a, mitthi khaw lam pana kal a, rihdil kal turah an ngai thin. An thawmte leh hniakte hmu angin an in sawi thin a, hei hi chu tunlaiah chuan kan rinpui kher lo na, kan thin veleh kan tlarau hi taksa a tanga chhuak a ni tih hi inhnial theih tak a ni. "Bible-ah thlarau hian thih veleh taksa a chhuahsan a, a kal chhuak a ni tihna lam min kawh hmuh theih chuan cheng tm tak ka chawi ang" ti ngam te pawh an awm a, chiang fek fawka taksa leh thlarau inthen dan hi sawina a awm lo te pawh a ni mahna le!
Eng pawh ni se keini Kristiante chuan rin dan tlangpui kan nei a, chutah chuan, kan thlarau chu taksa a tanga chhuak a,van ram kal emaw,hremhmuna kal emaw angin kan ring ber a,kan rin dan te pawh Kristiante zingah pawh a in ang lo nuai mai a ni, mitthi tawh thlaraute pawh rawn inlar leh te pawin kan ring a, a thente chuan kan hmu nual bawk a ni awm e.
Helai thu hi chiang taka sawi theih chu a ni lo. Thil pakhat an hmuh chhuah chu hei hi a ni, mitthi tawh,rei deuh fe thi tawh emng emawtia tihnun leh emaw,lo nung leh tate emaw sawi tur tam tak an awm, chungho chu an zawt a,chhanna thuhmun vekin an chhang niin an sawi.chumi an chhannaah chuan an taksa an taksa kha an hmu thin a ni. An taksa thi kha kalsan tial tialin an in hmu thin, hei tak hi mi then khat chuan tlarau in taksa a chhuahsan thin niin an ngai,a ni maithei,a ni lem lo thei bawk. fiahna tak tak kan nei rih lo va,
Pathian thuin a sawi dan chuan, mihring tan vawikhat thih ruat a ni, I sua lo kal leh hunah kaihthawhin kan awm ang. A then van ramah kan kal a nga,a then hremhmunah kan kal ang tih ani.
Courtesy : Finna Kailawn
-
Comment by Sta Chalthleng on June 28, 2011 at 17:56
-
Thenkhat chuan kan thih hian kan thlarau chu vanram ti mai i la,(mithikhua) ah hian a kal nghalh lo
kar 1,e maw chu khawvel ah hian a la awm an ti ve bawk.
thian te khan han sawi u la,ka lo lang leh my thy nia heheeee
-
Comment by moam on June 28, 2011 at 18:22 -
Mahni leh Pathian nena kan in kar hi fel phawtse. heng thu mai mai ah hi chuan buaina kanei lo,...
Buaina in neih chuan Lehkhabu tha tak,tak chu ka advice thei che u..... kalome.
-
Comment by Zaia C.T. on June 28, 2011 at 18:32 -
Han sawi thui tur vak ka hre lo,Bible chuan khawvel tawp rorel huna mitthi zawng zawng an thawh leh vek tur thu a sawi a,an thlarau chu leiah an vakvai nge,chawlhlawkna ah an awm nge,rorelsakin an awm nghal tih chu hriatfiah a har khawp mai. Kan film en thin,ghost te,god whisperer leh film dang atang hi chuan engemaw chen khawvelah an la awm anih hmel a,mahse an ngaihdan ani ve mai. Nia,vanram kai tlak nun ka nei em tih hi mahni ah chiang phawt mai ila...
-
Comment by Zik Zika on June 28, 2011 at 18:38 -
I sawi angin Bible chang chingkuang tak chu, ka lo hre ve ngai hauh lo mai. Mahse, Luke 16:19-31 han en chuan, Lazara chu a thih in a thlarau chu Van-ah a kai thu leh, Mi hausa pa thlarau erawh meidil (hrem hmun) a a tlak thu han en chuan, Kan thih ve leh kan thlarau chu kan taksa nen a inthen ni awm tak a ni.
-
Comment by Zik Zika on June 28, 2011 at 18:52
-
A hnuai a Bible chang te hi en chhin i la,
1. Stephana lunga an den a a thih dawn khan, "Lal Isua, ka thlarau la ang che" a ti (Tir. 7:59)
2. I The 4:13 ah chuan, Tirhkoh Paula'n "Muhilte" tih tawngkam a hmang bawk.
3. "Davida chu a puteho hnenah a muhil ve ta" (I Lalte 2:10)
4. Kan LALPA Isuan engtin nge a tih le "Tin, Isua aw ring takin a au va, 'Ka pa, i kutah ka thlarau ka kawltir e,' a ti a". Luke 23:46
-
Comment by Buanga on June 28, 2011 at 18:59 -
I sawi hlauhawm em mai, thih hnu thil sawi vak vak chu ka hlau a nia. Ka hlauh vaih chuan, ka thi duhlo mai dawn a sin. ka thih duhloh vaih chuan, Zobamw a dam rei ber ka ni ang. Ka ro chun mai ang......
Online atanga ka chhuah chuan, Pawn lam khawvel ka thleng leh, tih ang vel a ni. Lozzzzzz
-
Comment by Chhana on June 28, 2011 at 19:00 -
Ka zin na kawng ah chuan kawrsir thlammual ah hian thu zaiak pa1 hi ka rilru ah a awm reng thin, ka ngaihtuah na a ti kal thui khawp mai chu thu ziak chu he thu hi a ni. Thoh leh na nghakin an mu hil ta..
-
Comment by Dingdi on June 28, 2011 at 19:10 -
Hriat zau nan han sawi hnawk teuh teh u. Mahse, kan rinna erawh tichhe lo ila,
Thi i la ka thlarau Lalpa hnenah a thleng ve a nge? Chatuan nunna ka nei tawh em? tiih hi a pawi mawh zawk.
Engpawh nise ka thla a muang e. Ka farnu Om$y a thla a muan a vangin.
-
Comment by David C.Puia. on June 29, 2011 at 0:15 -
Sawi ve leh ange. Lal isua lo kal leh hunah chuan mi thi tawh zawng zawngte chu kaihthawhin an awm ang a, rorel sak an ni ang. Nung dama lo la awmte nen a rualin hruai kan ni ang tih thu chu Tirhkoh Paula ziaka kan hmu.
Mithi ruang chu a taksa a ral vek a, mahse a thlarau erawh rorel ni a, rorel sak turin dahthat a la ni. Kaihthawh kan nih hunah kan zalna thlan atang kan tho dawn nge? an sawi thin mithi khua an tih atang chuan kan tho khawm dawn nge tih erawh chiang bik lo. A pawimawh vak lo a niang, Bibleah ziahlan a ni lo em mai.Bible a awm mah kan zawm famkim thei lo a nia, a awm lo lo ngaihtuah buai vak hi a tul teh chiam lo ve.
Chu ai chuan, kan dam laia kan thil tih zawng zawng hi kan thlarau chuan rorelna hmunah a va pulut ang a, kan thiltih vekin kan kalna tur min kawkhmuh dawn a ni a, Hei raw le,, Nang ni ka hre ngai lo a che u, ka hnen ata kalbo rawh u tih zinga kan tel ve vek chuan,,, Tua Ma lay.. ni mai.
He hla hi kan sawihonanen a inmil ka ti em a, lo ngaithla ve thin teh u..http://www.youtube.com/watch?v=Uf_8r3kXXAE...Lalpa lo kal lehna.
-
Comment by anita on June 29, 2011 at 12:41 -
kei chu hemi tang hian thil tam tak ka ngaihtuah phah a,ka lawm kher mai,,,,,,,,,,,,
MIZO LOVE SONG
Run a lo lawi lutte
FREE DOWNLOAD
This Week Top Blog Posts
Birthdays
Groups
© 2012 Created by Zobawm.
You need to be a member of Zobawm to add comments!
Join Zobawm