Khaw pakhat a an sawi nula hmeltha ber pawh kha a mahtea in a a awm laiin zu rui pakhat hian a rawn luhkhunga, a rawn pawngsual ta ringawt a. Nula hmelthatna/ hmingthatna leh hlutna a chuai zo ta. Chutih rualin Pawngsualtu pa chung chu a va pik tak em. Nula leh a chhungte leh khaw Lal upa ten a chungah engtin tak rorelsak ang maw? Lei an chawi tir thei a, lung inah kum rei tak an tan tir thei. Nasa takin kut thlak tuar turin thu an pe thei bawk. Mahse pawngsualtu pa chu ngaihdam a ni ta hlauh mai. A tuar turte dawn a, thin phu na nem lova ranga a awm laiin ngaihdam a ni ta hlauh mai chu engtiang takin lawm ang maw?

  Khaw khata pa pakhat chuan huan zau tak a nei a. Thlai chitin reng chingin nitin tui a leih thin. A thlai seng a lo hun a. Tlai khat chu a thlai seng tur atanga a sumpai hmuh zat turte chhut neuh neuh phahin a huan lam chu a pan ta nal nal mai a. Mahse a beisei lo ang takin a huanah chuan bawng rual an lo lut, a thlai zawng zawngte chu an lo pet kawlh vek tawh hi a lo ni reng mai. Bawng rual chu a man vek a, in lamah a kai haw ta vek a. Bawng rual neitute chungah huan neitu pa chu duh duh dana ro vaw chat thei dinhmunah a ding ta. Pawisa tam tak ngiatin an ran rual a tlan tir thei. A nih loh leh khaw Lal hnenah sawiin thubuai a siam sak thei. Mahse huan neitu pa chuan " ran rualte chu vengtu awm lo chuan ei tur tha an hmuhna lam apiang an pan reng tur a ni a lawm. Mahse tun hnuah chuan in ran rualte hi in veng tha hman dawn lo a nih chuan an huang atang chhuah tawh hauh suh ang che u" tiin a zilh hlek chauh a ni. Engmah chawi tir lo leh thubuai siamsak hauh lovin a kaih haw tir ta a.

Ok, thilsual titu/ mi pawi khawihtuah lo inchan ta la. I thil sual tihrah seng tir che a, i tawrh awm tawk tuar tir tur chein i chungah ro an rel ngei ang tih chu i ringin i hre ngei ang. Mahse sawi chhuak ngam lo mah la" min ngaidam hram se" tih chu i rilruk ber a ni ngei ang a, jail bang zut emaw velh leh vuak tuar emaw sum tam tak chawi emaw ai chuan ngaihdam nih i duh ngei bawk ang.

Chuti a nih chuan " mi'n i chunga an tih atana i duh ang apiang mi chungah ti ve thin ang che,,,,,,,,,,,,,,,, Phupa lakna ai ngaihdamna hian mi nun a siam tha zawk thin........................"""""""