Madanjeet Singh Prize leh Aung San Suu Kyi

A dawhtheihna leh tharum thawh lo zawnga a chet avangin UNESCO in an hlan Madanjeet Singh Prize chu Daw Aung San Suu Kyi-i chuan a dawng leh ta. He Madanjeet Singh Prize hi, 2002 a a lo hmuh tawh a ni. Remchan loh na avangin kum-in 2012 ah chiah a kut chhunga hlan a ni. Nimin February 10, 2012 khan amah Daw Aung San Suu Kyi-i chenna in ah Executive Director of Office of the Director-General UNESCO (ODG), Ryuhei Hosoya chuan hlanna a nei a ni.

Tharum thaw lova, dawhthei taka hringnun lo hmang thintu India mi Artist, Writer, former diplomat leh philanthropist, 2000 kum-a UNECO Goodwill Ambassador lo ni bawk Madanjeet Singh chawimawina a an hman Madanjeet Singh Prize hi Daw Aung San Suu Kyi-i an pek atanga a kut chhunga an hlan hi, remchan lohna avangin kum 10 zet a rei a ni.

"He Madanjeet Singh Prize hi tharum thawh lo leh dawhtheihna atana kan pek a ni. UNESCO aiawh a Aung San Suu Kyi-i kut a hlan theihna huntha ka neih avangin ka lawm em em a ni,"tiin Hosoya chuan a lawmthu a sawi.

Thih thlenga tharum thawh lova India ram Independent kheltu pa ber Mahatma Gandhi kum 125 a tlin kum, 1995 atanga UNESCO in he Madanjeet Singh hi kum hnih danah vawi khat an hlan thin a ni.

Hosoya hian he chawimawina hlutak a hlan rual in UNESCO hian Burma ram hmasawnna a tana thawhtlan an tum thu leh Aung San Suu Kyi-i nena thawhtlan zel an tum thu, a sawi bawk a ni.

Chawimawina dawntu Aung San Suu Kyi-i pawh in hetianga chawimawina an hlan a vanga UNESCO chunga a lawm thu a sawi rualin, Madanjeet Singh chunga a lawmthu pawh a sawi tel bawk a ni. Kum eng emaw zat Burma ram tana ngaihtuahna leh rilru seng a an ngaihsakna avanga a lawmthu a sawi a, tun aia chak zawka UNESCO nena hna an thawh theih hun tur ni chu beiseina nena a thlir reng thu a sawi bawk a ni.

Views: 74

Tags: Chanchinthar-khawvel, Hriatzauna

Comment by Sta Chalthleng on February 11, 2012 at 2:39

Chawimawi tlak in hun a hmang bawk a,chawimawina a va han dawng tam tawh awm ve Ooo

Comment by Chhawkhlei on February 11, 2012 at 3:16

A fing chu a nih ber hi maw! Khawvel hriatpuia chawimawina a dawng tam tawh em mai!

Comment by manasse on February 11, 2012 at 4:07

kan pi ber chu thikchi rual ni lo e...kan harsat hmasa chuan nawm hi hnuhnung tur a ni. Nuam taka  khawsat tum tu erawh chu,  Harsat na in nakin hnuah  a bawm thin.... tihang deuh i..tuar rei bawkah dawngtlak ani.

Comment by N!xau on February 11, 2012 at 8:27

Pi Suu Kyi-i chu thlalak ah hian a lang nalh thei vio a, a tak a hmuh a va chak awm ve!!!!

Comment by fernando muana on February 11, 2012 at 9:27

A ropuiin ka chhuang ve khop mai, kan pi hi chu...bengvar thlak thin hle mai..

Comment by 4ever young on February 11, 2012 at 9:52

A va dawng tam tawh em em ve ..

Comment by anita on February 11, 2012 at 17:21

tunlai chu Aung San Suu kyi hi a van luck em em ve a,,,

Comment by Buanga on February 12, 2012 at 3:40

Vai (India) Prize a dawng a ni maw,

Dawngtu = Myanmar

Hlantu = Japan

An Prize= India

h aha ha ha..... A ropui e, dawng tlak a ni.....

Comment by Lalhmunmawia on February 13, 2012 at 19:58

Ka Pi hi chu ka chung tawpssssssssssssssssssssssssssssss

Add a Comment

You need to be a member of Zobawm to add comments!

Join Zobawm

© 2012   Created by Zobawm.

Badges  |  Report an Issue  |  Terms of Service