Khampat Bungpui in buaina tawk

Mizo khawvelah a hria a piangin pawi kan tih em em tur tunlai a Khampat leh a chheh vela thu leng vel chuan mi a barahkhaih hle a ni. He buaina hian keini Mizo te history chu engemaw chen a tidanglam thei ngei dawn a ni. Chuvangin a hra a piangte chuan, ngaihtuahna tha tak tak leh tawngtaina a tan kan lak tlan hlawm a pawimawh vio ang.

Chu buaina chu kan Mizo ten kan ngaihsan em em leh kan Mizo histor innghahna pakhat ni bawk Khampat Bungpui chungchang a ni. February 2, 2012 ni ah Tamu District Office a kawl-ho lehkha thehlut chuan kan Mizo-te tan buaina nasatak min thlen ta a ni.  Khampat Bungpui bulah hian kawl khua a awm ang bawkin, kawl ho pawh mi thahnem tak an awm hlawm bawk a ni. Chu Khampat Bungpui kianga awm kawlho chuan, "He Bungpui awmna hi kan pathian hmun hma a ni a, kan ram a ni. Khampat Mizo te hian he Bungpui bulah hian kan phalna leh hriatpuina tel lovin an Pathian Biak in an rawn sak hi kan duh lo a ni. Chuvangin thu neitu ten min khap sak rawh u,"....
tiin an lo va theh lut a.

Kabaw MWO te chuan he buaina hi chinfel tumin an bei mek a. A awlai lo leh khirh tak chu a ni ngei ang. Buaina hi a la kal thui zel avangin, District Levela chinfel theih pawh a nih a rinawm lo.

Kan Mizo hnam history-a kan Mizo pipute phun bungpui hetianga min chuh sak an tum takah chuan he bungpui hian kan Mizote hnam nunah eng chenin nge zung a lo neih tawh a, kan Mizo te hian engtiang khawpin nge kan vei, heihian kan Mizote thinlungah eng chen nge hmun a luah tih chu he buaina lo chhuak hian a ti lang chiang ngei ang.

Bungpui hmun sir lamah Biak in ni lovin chawlhbuk a dung feet 36, avang feet 18 a lian sak mek a ni a, Chu thil chu Biak in a ngaiin he buaina hi a lo chhuak ta a ni. "Kan hmun leh ram, kan in leh lo-ah chuan in rawn leng thei, in rawn tlawh thei, mahse hmasang atanga kan pathian hmun leh ram, kan chenna hmun leh ram chu in rawn tibuai tur a ni lo. Kan ta a ni, ka hmun leh ram a ni. Engmah kan thu leh phalna tel lovin in ti thei lo. He hmun hi kan hmun leh ram a nih a vangin he hmuna thil in tih dawn reng reng chuan kan phalna in la hmasa pawt tur a ni", tiin an ti.

Hei buaina hian kan hnam nun a dai pha a, kan lairil a khawih pha hle a ni. Engtia hma lak zel tur nge tih erawh thuneitute thu ngai changin bengchhit reng a nih thu hriat a ni.

Views: 148

Tags: Chanchinthar-zohnahthlak

Comment by manasse on February 19, 2012 at 9:48

Kawl- ho tak hi chu aw.!! ka ning khawp mai...Vai leh Kawl hi ka mi huatber te a ni..Tluang tak'n kan chan lehtheih nan tawngtai a ngai a ni. He Bungpui hi keini mizo te innghat chhan na ber ni sin aw..Bengvar thlek hle mai ka lawm e.

Comment by Zik Zika on February 19, 2012 at 10:20

Remchang dangah ka rawn comment leh zawk a nge!

Khampat Bungpui leh Kan Mizo History hi!!!!!!!!!!!

Comment by Ramnunmawia on February 19, 2012 at 12:16
A va han poi ve, he khampat hi voi 1 cu ka lo tloh ve toh, mahce ka la naupag deuh hlek na n ka incir lo hle mai. tuna hetiang an lo tog ta hi a poi tak jet2 ani. kawl ho tak hi cu...
Comment by ramhnuna on February 19, 2012 at 14:11

Sakhuana zawngin an la  si a, buai palh a hlauhawm hle mai.. Engtia tih nge tha ber ang aw.???

Comment by fapa tlanbo on February 20, 2012 at 5:08
Vuakhlum sen an ni bawk si lo.... buaithlak tal cu ni,,,, mi itsik reng reng hian an khat a..
Comment by Sta Chalthleng on February 20, 2012 at 5:26

an va han ti ho mai2 ve Oooo

Comment by 4ever young on February 20, 2012 at 8:01

A pawi ngawt mai..

Comment by Lalhmunmawia on February 20, 2012 at 10:16

Kawl ho tak hi chu awwwww. Ngeiawm topss! Theih ni se vuak thluk vek ka duh! Mahse Burma ramah kan awm tlat sia. Tawngtai phawt mai ang aww.

Comment by Zunzam on February 21, 2012 at 5:08

Khampat buangpui hi, kan Mizo (Lushei) thlahte phun tih hi, tak tak nge, thawnthu mai mai? Ziak thenkhat ka chhairna ah chuan, Lushei ho phun tih a ni a, ziak thenkhat ah chuan phuah chawm thawnthu inhlan chhawn ang mai mai a sawi an awm bawk a. Chutiang bawkin Lushei ni lo hnam dangin an phun thu sawi an awm bawk a. A ngaihna pawh ka hre bik lo le. Politic hi zawng hriatthiam a harsa a nih hi. Thingkung pakhat mai pawh hian Politic a siam theih dawn tihna em ni. 

Comment by Tluanglianthanga on February 22, 2012 at 7:55

kawl ho tak hi chu O.buaithlak emai,bungpui chu a zung chawp in phawi se khampat ram chin a, phun se a tha ang .

Add a Comment

You need to be a member of Zobawm to add comments!

Join Zobawm

© 2012   Created by Zobawm.

Badges  |  Report an Issue  |  Terms of Service