Zofate tual lenna, Mitin mil Zobawm Run
Islam mi firfiak hovin Somalia Kristian tlangval lu tan sak
Persecution: Somalia ram a Kristiante rawngbawlna Christian Humanitarian Organization a thawktu pakhat Zakaria Hussein Omar (26) mi chu, he Kristiante rawngbawlna duh lo leh do em em tu pawl pakhat Al Shabaab ho chuan January 2, 2012 ah a a lu an tan sak a ni.
A thianpa Nomads in a ruang a va hmuh hma darkar 20 chhung chu tumahin a chungchang reng reng an hre lo. A thianpa chuan Omar-a ruang a va hmuh in “Hei chu ka thianpa a ni”, tiin Magadishu ah a rung chu a phur phei nghal a ni.
A thianpa Nomads chuan “Omar nen hian inthian tha tak kan ni a, engemaw titi vel pawh kan ngah khawp mai. Kristian ka nih avangin ka dinhmun hi a derthawng tawh em em a, tuna ka hnathawh hi Kristian haw em em tu pawl Al Shabaab ho hian an duh lo em avangin ka tan chuan an hlauawm em em a ni”, tiin a thianpa nena an titi chu a sawi chhuak nghe nghe a ni.
Omar-a hi Islam atanga Krista a rawn piangthar rinna nghet tak mi a ni. Ethiopia a school a kal atangin Omar hian Pathian thu a hre tan a, 2008-2009 kum a degree a lak kumah Krista ah piantharna a chang a ni.
Somalia ram hi Islam tamna ram a nih ang bawkin Islam sakhua atanga Kristian a lut reng reng hi chu, an hmuh remchanna a pianga thah zel mai an tumna ram a ni. 2011 September 25 ah pawh khan hemi bul thoah Islam atanga Kristian a inlet Guled Jama Muktar chu thah a lo ni tawh bawk. Chumi hma August 21 ah pawh Jama Nuradin Kamil pawh a mator atangin a duhlo chungin an hruaichhuak a, September 2 ah an that bawk a ni.
Kristiante tiduhdah thin em em tu Al Shabaab Islam mi firfiak pawl hi, mi 3000-7000 inkar vel an awm nia rin a ni a, Islam zirtirna Sharia kalpuitute an ni bawk.
-
Comment by David C.Puia. on February 12, 2012 at 2:51 -
zia lo ve aw,, tih lo chuan han sawi belh tur vak ka hre lo.......
-
Comment by Buanga on February 12, 2012 at 3:50 -
A va rapthlak tak em! a chan tur leh Krista avanga a thih tur thu chu a hre lawk tawh tho a nih dawn ni.
Krista tana Pasaltha Omar ka ngaisang che.....
Krista vanga tur ngam
Krista vanga chan ngam
Krista vanga rethei ngam
Krista vanga mualphona zawng zawng hi,
I phur ngam dawn emaw!
-
Comment by fernando muana on February 12, 2012 at 9:58 -
a va lainat awm tak em?krista a vanga a tawrhna ah a kalsan tak a chhungte lalpan thlamuanna thar pe mawlh rawh se..
-
Comment by 4ever young on February 12, 2012 at 10:09 -
Lungchhiat thlak hle mai..
-
Comment by anita on February 12, 2012 at 13:23 -
tawngtai pui an ngai hle,,,,kan theitawpin hlauawm tak tak karah awm christiante tan rawngbawltute tan kan tawngtai sak a ngai ni hi,,,
-
Comment by Albert khuma on February 12, 2012 at 15:03 -
A van lungchiat thlak thei ve aw...Pathian ramah thlamuang takin chawl mawlh rawhse.
-
Comment by N!xau on February 13, 2012 at 10:15 -
A chan tur a hre reng a, Krista tan a inpe ral thak a nih ber hi.
A chan tur a va ropui dawn tak em!!!!!!!!
-
Comment by Abraham Rawn on March 10, 2012 at 11:46 -
"Kei atan zawng nun hi Krista a ni a, Thih pawh hlawkna a ni" tihah tling a ni.
Rinawmna Lallukhum a tan a ni ngei ang le!!!!!
Add a Comment
MIZO LOVE SONG
Run a lo lawi lutte
FREE DOWNLOAD
This Week Top Blog Posts
Birthdays
Birthdays Today
Birthdays Tomorrow
Groups
© 2012 Created by Zobawm.
You need to be a member of Zobawm to add comments!
Join Zobawm