Kan run kha riang hle mahse, ka seilena a nih a vang ngawt paw'n nghilh mai chi a ni lo....Mahse harsatna leh rual elna na men lo chuan Foreignah min umchhuak a. Mi ramah zawng lunglen a na e, lamang lo let ka nuam e tiphah chung zel chuan ka hna thiam zawng, tui zawng pawh thlang thei lovin hna hmuh hmasak sak chu ka han buan ve nawk nawk thin chu a ni a. Ka thawhchhuah theih chhun chuan min tohdelh ve ngawr ngawr choh bawk si. Chuti chung chuan Ka theih tawk "Theih el tiang" sawmkhawmin tlem a zawng chu chhungte ka thawn ve ta zeuh zeuh a.

   Mahse a reng reng tur emaw an lo ti. ka thawn hun champha a lo thenga, thlatina thawn thei zel tur anga ngaihna chu chhungte thinlung luahkhattu a lo ni ta reng mai. Mahse a hun a lo thlenga ka thawn thei ta si lo. Unau ten nuam tin reng a chen ta em ni min ti. Ka chanchin then leh rualte hnenah an lo zawt. Pawisa chu ti zat kan mamawh, chu mi kha mi lei a ngai, chu mi kha mi tan chu ti zat a la ngai ti'n thu an rawn chah. Kei lah pek chu tih bo palh pawh a uihawm loh zet tur pawisa bawm kawlin "ka hawi aa" ta reng mai bawk si,,,,,,,,Hei ha!!! hui ha!!! Lu thak lo pui hiah nawk nawk a va awl thin tak em.

  Mahni loh mah a intohdelh tawk tawk dinhmun kan luah chauh chu a ni si a. Ka u, a pate, a pute X'mass thawmhnaw min lo leisak rawh. Silai, Cycle( thirsakawr )te leina tur pawisa min lo thawn rawh tih thawm ka hriat chante hian maw, ka tihngaihna hre lo hi ring deuh deuha au vak vak hial ka chak thin. A chang leh chak tawka tlankual chiam te ka chak thin. Hei ha!!! hui ha!!!! Foreign vala ka "Thaw raaa" a nih ber hi!!!!!!!!!

  """"Mahse hetianga mi lo rinchhan ve em em tute ka la nei hi vannei ka inti bang lo thei lo, an ni chu ka tanlakna an ni a, ka thahnemngaihna leh ka chhelna an ni si a"""""

By. Vanlalsawma.