CHRISTIAN HMING.

By Manases,Mi Tihdan kan zir dawn nge, Kan Tihdan miin an zir dawn..? thu kha ka han chhiar nawn leh a kan hming hma, first-name a Sap hming kan nei thliahthluah ve thin hian ka thinlungah thu a rawn sawi ve ta tlat mai. Thlarau thupuan a nih em em chu ka ring chiah lo na a, tun lai thu post a khaihlak lai rawn chuhin ka rawn ti-ti-ik-ik ve leh ange.

Mi thenkhatte chuan Mizo kan nih ang bawkin kan hming hmaa Sap hming dah duh lo mai ni lo, thil zahthlak takah an ngai a, Sap ho ngaihsan luat vang maiah an ngaia, Mizo kan ni a kan hming pawh a Zo reih reih tur a ni an ti.
Mi thenkhat thung chuan a chhan leh vang pawh hria si lovin hming hmaah David, Joseph, Immanuel.....adt. nalh an tih tih an dah ve phawr mai. Mi thenkhat erawh chuan Christian kan ni a, Sap hming neih hi a pawina a awm lo an ti ve bawk..

Nangteh'n engtin ngai che maw?
Sawi a nuam ka tichiah lo nain ka thupui lanfiah theihna tur a ni miau si a. Kan hnung lawk, ni 10.1.2012 khan Penang, Malaysia-ah ruang kan va vui a. A ruang tuamhlawm dan tur a hma mi laksaka mi buaipuitu, Chinese pitar khan kan mi thi hi Christian a nih chuan Christian hming a nei tur a ni a ti a, kan hotu pa pakhat chuan Moses tiin hming a vuahsak ta ringawt mai. Kei ngei pawh hi hmunkhata hna ka va thawhnaah chuan kan Pu ( Boss ) chuan i hming hi koh a harsa em mai, Christian i ni ti raw? David tiin ka ko mai dawn che a nia mi ti a ni.
Sap hming tih tur nge Christian hming tih zawk tur? Kan Bible chhunga hming awmte kan hmang a ni si a, Sap hming a ni thei dawn em ni? Christian hming tih hi a lo va dik zawk hmel em. Sap ( English ) kan tih berate lah England leh US ram mipuite khu an ni deuh ber si nen. Ram dang zawng zawngte hian English tawng an hmang vek kher lo a. Mahni hnam tawng, ram tawng an neih teuh a. Mahse an first-name-ah Christian hming pu an awm teuh bawk. Chutiang bawkin kei ni zohnahthlak te zingah pawh Sap ni lo, Bible chunga hming awmte hmanga First-namea kan nei hi a thiang lohna bik a awm dawn em ni ka ti.
Christian hming tih tur nge First-name tih zawk mai tur? Christian name an tih tak hi chu Baptistma an chan hian mi dang (mi thianghlim/mi thar) an lo nih tak avangin Pastor/ Pope te hian hming thar kohhna hming an pe a, an Baptisma chan ni a zirin Bible chhunga Pathian mite hming an pe ve mai niin a lang. Chu chu Christian name kan tih chu a ni. Pianthar hnu or Baptisma chan hnua an hming neih thar a ni a, tun laia keimahnia kan lo inpek ve mai mai hi chuan Christian name (Kristian hming) an tih tak hi a tluk chiahin ka ring lem lo. Sap hming (English name) tih pawh hi a dik lo mai thei. Entirnan: (a) David (Hebrew) = the beloved, the adored one. (b) Joseph (Hebrew) = God shall add. (c) Jacob (Hebrew) = Held by the heel. etc... Heng hmingte hi Bible chhunga Pathian mite hming vek an ni a, Sap hming ni lovin First name or Christian name atana an hman thinte an ni.( By Vanlal Zawma )
   
    Engpawh chu lo nise, keini zingah chuan Baptistma changa hming thar inpek kan nei lem si lo a, kan Bible chhuanga Pathian mite hming kan hmang a nih phawt chuan Christian name tih mai ka duh a ni. Chu kan Christian name chu Sakhua dang biate laka Christian kan nihna pho langtu a ni ve bawk. Foreign mi, Asian, European, African, American ho te hi an hmingah David,Solomon, Jacob, Mary, Elizabeth....adt, an nih chuan Christian an ni tih kan lo hre thei mai thin a ni.
    Mahse, tun laiah film staring ho, sciencetist ho, khawvel mi ropui kan mi ngaihsan zawng zawngte hming vel mai mai chawia lo inbel ve hmiah mai hi chu a fuh chiah chuan ka hre lo, E.g, Henry, Jerry, Roberth,,,adt,, Duh tawk phawt mai ang, chhiartute hmuhdan/ ngaihdan ka lo thlir reng e....

Views: 41

Comment by anita on February 16, 2012 at 12:23

 ka u pakhat chuan Bible ah mi Joseph hi a duh em em a,,,a mah anga nung ka duh a ti a,a hmingah khan Joseph a tel a,,,kei pawh ka hming hi mizo hming pawh ani lova,,Bible hming pawh a ni lova,,sap hming mai ani nan ,,min sak chhan chu a awm ve asin,,chuvangin Bible hming nilo milar hmingte an insak chhan pawh enge mawni chu a awm ve tho lo ang maw ka ti ,,kei chuan,,ka hre bik lo ani a,,,

Comment by manasse on February 16, 2012 at 12:41

A tha dap dap hle mai...han tlakduah teng aw..kan mizo in(Joseph a) hi a hming kan lam danah ka lawmlo top mai..keini chuan hminghnunga (a) awm takah hi  kanlam fuh hleithei lo anih ber hi. Keini  kohve dan chuan (pha) ah chhuak deih zel..hnamdangten (pha)tih tak hi an hre lo..chu vang chuan Joseph a tiin ko zawk ag u aw...(a) hi fal nalh tur a ni...(pha) tih toh lo angU!

Comment by Zik Zika on February 17, 2012 at 0:07

Keini tlangmi ina hming kan invuah tam zawk hi, a then chuan Christian name, English name an ti thin tak na in, kei chuan "Bible Name (Bible Hming) tih hi a fuh zawkin ka ring.

David, Joseph, Samson, Samuel....edt. hi Christian name an ni lova, Bible name an ni zawk mah a sin.

Samuela tih hming neitupa kawng sir a zu rui a a vak thin hi chu,.....!!!!!!!

Tun hma in Victor Zika ka inti a, heihi Bible School a ka thian ten min pek a nih a vangin ka hmang. Mahse, America kan han thleng chu, ka Mizo hming ngei hi hman lar ka tum tawh zawk. "Victor" tih ka hmang lem tawh lo....

Ngaihdan a inang lo tlangpui a, mahni hmuh dan dan a ni ve mai ka tiiiiii

Comment by 4ever young on February 17, 2012 at 8:15

kei poh sawi ngaihna ka hre lo tlat mai..

Comment by fernando muana on February 17, 2012 at 9:25

zoram khawvela kan mi thiamte pohin sawi ngaihna vak an hre bik lo,ngaihdan duhdan a in ang lo thin ang bawk hian "kristian name emaw english name" emaw an lo hmang  a nih pawhin a that lohna em em ka hre hran lo kei chuan a hming putu hi kan pawimawh mah zawkin ka hria. ka ngaihdan ve mai a nia...

Add a Comment

You need to be a member of Zobawm to add comments!

Join Zobawm

© 2012   Created by Zobawm.

Badges  |  Report an Issue  |  Terms of Service