Hriselna Leh Mawina

Artui Hel Hip

Rate this Entry
Artui hi chawhmeh mal khaiah chuan kan taksa mamawh chi hrang hrangte awm kimna ber zinga mi a ni hial awm e. Mi ţhenkhatin artui, a bik takin zo artui hi a hel a hipin chak zawk leh ţha zawk turah an ngai a, mahse a lo ni lem lo. A chhan chu :
1. Artui a protein te hi a hel a hip chuan a chakna za a sawmnga (50%) vel chauh taksain a hmang ţangkai a, chhum emaw kn hmn emaw chuan za a sawmkua (90%) vel li taksain a hmang tangkai thei thung a ni.
2. Artui kwr hi natna ţhenkhat a bik takin salmonella hian a lt tlang thei a, chhum emaw kn hmn emaw loh chuan natna kan kaichhawng palh thei a ni.
3. Artui a protein pakhat Avidin hian taksa a kan lakluh Vitamin H ( Biotin) a ti chhe ţhin a, hei hian Vitamin H ( Biotin) tlakchhamna, vun leh sam hrisel lo a thlen thei a, chhum emaw kn hmn emaw chuan Avidin hi a chhe vek thung a ni.

Artui hian protein, Omega- 3 fats,choline, biotin, folic acid, pantothenic acid, carotinoids, lutein leh zeaxanthin bakah cholesterol ţha chi ( HDL) a pai a. Vitamin A, D, E, K leh vitamin B complex ( Vitamin B 1, 2, 3, 5 ,6 ,12) a pai bawk a. Minerals ah selenium, iodine, calcium, phosphorus, magnesium, zinc, copper, potassium leh iron a pai bawk a ni.

Artui a protein awm hi protein quality ţha chi a nih bakah protein siamtu amino acids te hi taksa mamawh tawkin a pai kim deuh vek a. Artui a cholesterol awm hi cholesterol ţha chi (HDL) a nih avangin artui hian lung natna ( heart diseases)* a thlen lem lova ngaih a ni. Artui a choline hi thluak ti hrisel tu leh thluak hnathawh puitu a ni a, artui a lutein leh zeaxanthin hi antioxidants niin mit a ti hrisel a, thenkhatin, " artui hi mit tan a ţhalo " an tih hi chu phuahchawp niin a lang.

Thil dang han belh zeuh ila. Tumah mi ţha famkim kan awm lo ang chiah hian eng chawhmeh mah hi a mal chuan taksa tana ţha famkim a awm bik lova. Artui pawh hian Vitamin C leh dietary fiber a pai loh bakah Vitamin K a pai tlem a, hengte hi chaw dang aţanga lakluh a ngai a. Sunhlu, kawlthei leh hmarcha sen tai tk hian Vitamin C a pai tam a. Bean,avocado, pear, zikhlum leh bawrhsaibe hian dietary fiber pai tamin thlai hnah hring, fanghma, broccoli leh zo purun te hian Vitamin K a pai tam a ni.

Indian Council of Medical Research chuan taksa hrisel nan kum khatah artui pum 180 vel i tur a tih laiin Economic Survey, Mizoram 2012--13' chuan mizote hian kum khatah artui pum 32 vel ei angin min chhut a ni. Veterinary Department hian chak takin hma la se, artui thr chhuah a pung anga, phai atanga phur lut lova artui a kan intodelh hun a la thleng turah ngai ang.

By~Dr Lk.Sanga ~

Submit "Artui Hel Hip" to Digg Submit "Artui Hel Hip" to del.icio.us Submit "Artui Hel Hip" to StumbleUpon Submit "Artui Hel Hip" to Google

Updated 11-04-2016 at 04:19 PM by Lavender

Tags: None Add / Edit Tags
Categories
Uncategorized

Comments