• Isua Thlan Chei That Zawh A Ni Ta: US $Maktaduai 4 Chuang An Seng

    March 22, 2017 (MSR): Greek mifing 50 rual zetin thla 9 chhunga an chei that (renovate) Isua thlan, Church of the Holy Sepulchre, Old Jerusalem a mi chu zawh fel niin, vawiinah ropui takin Ecumenicial Patriach Bartholomew-I, spiritual leader of Orthodox Kristian leh Pope Francis (Roman Catholic) aiawh ten an hawng ang. Isua thlan hi kristiante tana hmun ngaih hlut ber zinga mi a ni.

    Greek scientist/experts leh restorers (thiamna nei bik) te hi National Technical University of Athens a mi te an ni a, he lai Isua thlana an zalhna (burial chamber) room tereuh te chu chei that ni losela chuan a chim palh mai a hlauhawm hle niin an sawi. Heng Greek experts te hian Acropalis-Greek khawpuia mite leh Hagia Sophia-Istanbul, Turkey a mite pawh an lo chei tha tawh a ni.

    He Isua thlan hi kohhran pawl lian 6 laiin an inenkawl tawm a, a chang chuan ngaihdan in an lohna vangin intihbuai deuh changte an nei thin a ni. Latin (Roman Catholic), Armenian Apostolic, Syrian Orthodox, Ethiopian Orthodox leh Coptics ten chei that leh enkawl (custodianship)ah an intawm a ni.

    He Isua thlan hi history ah a lan dan chuan vawi 4 chei that tawh niin, kum 1810 khan mei alh vanga a kang nual a, kum 70 kalta khan Palestine ram chu British Mandate hnuaia a awm laiin British Governor chuan chei that tirin, thir (iron glider) hmangin a chim loh nan a siam tir chu, tunah paih a ni ta.

    Isua zalhna thlan chei that nan hian pawl 6 te bakah, Jordan Lal King Abdullah, the Palestinian Authority, Mica Ertugen-Atlantic Records cofounder nupui te pawhin US$ maktaduai 1.3 an thawh ve a ni. Ram Thianghlim-Israel fangtute chuan hlauh thawn nei miah lovin, a hmunah in thlir thei tawh ang

    Source: mizo special report fb Group by. C.T.Lalrinawma>

    Facebook comments