• Vulmawi Music Hi!

    By:- Salai Sang Sang, Falam

    Vulmawi hlate ka ngaih thlak chang hian ka rilru chhungah tehkhin tur pakhat a lo lut thin. Archeology hovin tunhma kum tamtak kal ta Ancient wall a an kuthnu ropui tak tak an hmu chhuak leh a,
    he thil hi a sak nan cubic lung TMB (Truck) tiat tiat nen sangtak leh hnget taka sain vawiin ni thleng chhe miah lovin an lo la awm a. Engtin nge hmanrua ho te te nen hetiang hi an lo sak theih? a bulhnaiah hetiang lung lian tak tak lak tur a awm bawk si lo tiin modern scientist ho an buai map map thin. Chutiangdeuhin, music tui ho chuan 1980 vel ah electric guitar sawi loh hollow guitar tha perh tur pawh nei mumal lovin 4-8 track recordingah hun chep tak karah international music level in Vulmawi in Album an lo ti chhuak ve mai hi music lam hre thuk ve deuh rilruah surprise a awm fo a ni.
    Vulmawi music hi a advance lutuk tih lan nan vol-2 a mi “ Thlawikhat Chauh” tih hla leh “A chuai mai mai dawn lo” , vol-3 a mi “Tawnmang” tih te hi han thlang chhuak i la. Burma ramah 1980 vela chhuak hla hi a tlangpuiin hla tin deuh thaw hi introduction a lead zut kher kher an ni tlang pui a. Mahse, Vulmawi chuan internatioanal rock hla style in introduction hi an lo hmang hrep tawh a ni. America ah chuan thenkhat chuan piano chord tiin an ko a, Vulmawi chuan Tawnmang tih hla ah khan a chorus ‘Kum sangtam ral mahse’ tih lai teah mawi tak in an lo hmang ve (AM-G leh F in kar) pek a. 1986 vela rawn lar Europe band chuan Cherokee tih hla a chorus ah, Carrie, Superstitious tih hla ah te khan an hmang a. Queen chuan Friend will be friend tih hla ah te he piano chord hi an lo hmang ve a ni. Vawiin ni thleng kan Chin-Mizo hla thar ho ah hmuh tur a la awm lo a ni.

    Thlawikhat chauh tih hla hi a ropui leh dup dup khop mai bawk. Dangdai deuhin bass guitar in intro an tan ta mai a nih hi. Def Leppard chuan Gods of War tih hlaah, Billy Idol chuan White Wedding tih hla ah te an lo hmang ve. An idea sawi hmaih loh tur pakhat chu Sap chuan emotion change an ti a hla pakhat a beat chi hrang hrang pawlh khawm hi a ni. Thlawikhat chauh tih hla ah Vulmawi chuan an lo hmang daih tawh a ni. A Chuai mai mai dawn lo tih hla intro hi chiktakin ngai thla teh eng nge i hmuh chhuah? A danglamna I hria em? Hetianga chord dang deuha siam hi Chin-Mizo fate irawma chhuak atan a sang lu deuh a ni kan tih sak teh ang. Ngaihtuah phak loh khawpin, heavy metal beat ropui takin an lo hmang daih. Lead guitar solo vawi hnih a awm a, a tawpna ah bass intro kha an hmang leh a, tunlai modern rock style 1980 vel a 4 track recording chhe te ah instrument ho te nen ngaihthlak tlak deuha Album an chhuah thei hi ka thinlung takin ka respect tak zet a ni.


    America (USA) hi khawvel ram changkang tak pakhat a ni tih ka hre tho na a Vulmawi hla hi chu motor khalh pah pawh in ring deuh deuh in ka play fo thin, ka zahpui ngai lo. Sap ho thenkhatin who are they? tia min zawh chuan this is Vulmawi legendary Rock band in Mizo music world tiin ka chhang thin. Charlotte City, North Carolina ah Metallica concert en tur a kankal lai in concert tan hma in stadium hmaah mi 5000 chuang in darkar 2 vel kan lo hngak a, a then in Beer an in a then in Rock music an play a, an lam a, kan bula mi ten Asian Rock ngaihthlak tur i nei ve em min ti a, ka motor sound system tha tawkah volume full deuh thaw in ring tawkin “Tawnmang” leh “A Chuai mai mai dawn lo” tih Vulmawi hla pahnih ka han play ve mai chu mi 30, 40 vel lai in ka motor an rawn huala an lu an thing a, an lam na sa mai. Tutenge tia min zawt tu an tam lutuk a a ruk tein ka lawm lutuk a ka mittui a tla ta a ni.


    Greenville City, South Carolina a Guns N Roses concert kan en zanah ka hmulthi a ding ur ur a ka thian Sap pahnihin in ram lam rock concert ah teh i hmulthi a ding ngai em tiin min zawta, hmanah Vulmawi band in ka hmulthi an lo ti ding thin tawh tiin ka chhang. Khawvel hmingthang rock band performance vawi - 39 ka en tawh a Vulmawi hi an te bik lo a ni kei ka tan chuan.


    Music thiam inti thenkhat in Vulmawi hi hmanlai band mai mai a ni ti ta se, ka chhanna chu, an thlen chin chanve pawh kan la um pha rih lo tih hi a ni. A tawp berah chuan Vulmawi ho hnenah phalna la lovin “ A chuai mai mai dawn lo” hi “A chuai tawh dawnlo” tiin ka thlak sak e.


    “Who are they? who are they?” This is Vulmawi !!!! Ka lawm e.

    Facebook comments