• KHAWVELA BOXING CHAMPION MANNY PACQUIAO CHUAN PATHIAN HNENAH LAWMTHU A SAWI

    April 9, 2016 khan Boxing khawvela mi hmingthang pahnih Manny Pacquiao leh Timothy Bradley te in hnek chu a hmuah mi a sing tel, TV leh Internet atangin mi Maktaduai telin kan lo thlir thupa.

    An inhnek Round 6 thleng chu hnetu tur pawh a hriat theih loh, thlirtu mipuite pawh mit khap lo leh ka ang huau maiin an thlir thup mai le.


    Round 7 na han inhnek chuan Pacquio chuan Bradley chu a hnek thal der mai le. Mahse, chuti lutuk a na leh en mawi lo chu a ni hauh lo. Mahse, Bradley pawh a tha thlah miah lovin a han tang leh a, hnehtu tur hriat theih lovin mipui lu an tihai a nih kha.
    Round 9 an han inhnek leh chiah chu, Pacquiao a chuan Bradley chu a hnek thal leh a, a vawi hnihna ah chuan Bradley a tluk dan chu a mawi lo khawp mai. Chuta tang chuan mipui rilru pawh ngaihtuah buai ngai tawh lovin Pacquiao in hnehna a chan ngei an ring deuh vek a ni.

    Hun a han tawp meuh chuan, America Boxing thiam Timothy Bradley chu Asian Philippine Boxing thiam Manny Pacquiao chuan a hneh ta der mai.
    Pacquiao in hnehna a chan ve leh Pathian hnenah ban pharin lawmthu a sawi nghal a ni.

    He mite pahnih hi tuntum nen vawi thum an inhnekna a ni a, a vawi khatna ah Bradley in a hneh a ni. Mahse, mipui rilru ah chuan Pacquiaoa’n a hneh an ti tho tho. A vawi hnihna ah chuan Pacquiaoa’n chingkuang takin a hneh a, a vawi thumna tuntum an inkhelna ah pawh scored 117- 109 in Pacquiao in hnehna a chang a ni.

    Tuntum hi Pacquiaoa tan chuan boxing khawvela a ni hnuhnung ber chu a ni. Boxing khawvel chhuahsanin amah chawisangtu Pathian leh an ram Philippine a mi chanhai leh fahrah nu leh pa nei lo te enkawlna lamah theih tawka rawngbawlna nei turin ke a pen tan tawh dawn a ni.

    Facebook comments