• GLOBAL ASIAN COMMUNITY IN 6TH POSTHUMOUSLY AWARD MOTHER TERESA HNENAH HLAN

    Global Asian Community chuan Mother Teresa chu mi entawntlak leh mi hlawhtling a nih zia lantirnan Posthumously Award an hlan a ni.

    Mother Teresa chu Missionaries of Charity dintu pawh a ni bawk. Kum 45 chhung meuh mai mi rethei chanhai, awmna neilo, fahrah chawmtu nu leh pa nei lo enkawltu, nu ngilnei leh entawntlak tak a ni. India ram Kolkata khawpui ah kum 87 mi niin (1997) khan a boral ta a ni. Pathian tana a thawhrimna hian tun thlengin hna a la thawk chhunzawm zel a, a thihhnu thleng pawhin chawimawiin a awm bawk.

    He chawimawina Posthumously Award, 6th Asian Awards hi UK atanga buatsaih a ni. He Award an pek dawn hian teh dan kawng hrang hrang chi 14 hmangin an teh a, hun kal tawha an hna thawhna zawng zawng leh khawtlang leh mipui hma a an nungdan te thlenga thlir letna neih vek hnua hlan a ni. He Global Asian Community Awards hi kum 2010 a Paul Sagoo-a lo din tan kha a ni.

    Facebook comments