• BURMA PRESIDENT LEH CHIN STATE CHIEF MINISTER TUR????????

    Nov.8 ah mipui duhthlan ngei NLD (Daw Aung San Suu Kyi) in hnehna a lak meuh chuan "Democracy Kawl a Eng Tran Ta" tiin kan lawm hle a, mahse, lehlamah "Sipai general ho hian lalna a pe tak tak meuh ang em???" tiin kan lawm tur ang tak pawh in kan lawm ngam rih lo a nih hi!! Burma hi zawng a buaithlak e...
    Hetia 100 ah 100 kan lawm ngam lo hi a dik chiah reng bawka, sipai sorkar in kum 50 meuh min awp a, dictator hnuaiah silai hmanga min han hrual tak taka, an thu tiam an hlen ngai loh zia lah chuh!!!
    2008 Burma Constitution kha "tih luihna leh dawt tam tak belh" in an han nemhngeta, sipai chatuana lalna vervek takin an siam ta kha a ni a, mipui ten kan ring ngam lo hi kan mawh miah lo.
    Mahse, ka ni (my aunt) DASSK hi a fingin a fel a, boruak a haikua zung zung a nih hi.... Sipai lal tawngkhawng, an bawk leh medal te belna tur awm lo khawp a "lal tawngkhawng" ho "deal" dan a han thiam mai mai khawp in ka hria!!
    Naypyidaw a rorel pawl Burma Parliament (NLD MP 70% awmna) chuan "March 17 ah Burma President tur atan Vice president 3 hming pek tawh tur" a ti ta e.
    Pyithu Hluttaw in Vice President (VP) pakhat an thlanga, NLD tamna a ni a, NLD pa/nu ngei an thlang ang. Amyotha Hluttaw in VP pakhat an thlang bawk ang (NLD pa/nu ngei a ni ang). Tin, sipai 25% tel ve ho in VP pakhat an theh chhuak ang.
    Heng VP 3 an vawrhchhuah te (NLD 2, sipai 1) hi "Pyidaungsu Hluttaw" (Amyotha leh Pyitu Hluttaw; MP zawng zawng joint session hmangin MP 600 chuang) in vote pe in "Burma President" an thlang dawn ta a ni, March 17 hnu ah.
    Burma President chuan Chin State Chief Minister (CM) a ruat ang (2008 Constitution ang in).
    Tunah Chin state Parliament chu Feb. 8 an an thru tan tawh a, state parliament chairman ah Pu Lian Luai, speaker atan Pu Zo Bawi, Deputy speaker atan Pu Aung Than (Mindat) te an thlang.
    Chin state CM tur chu "NLD member ngei a ni ang" tiin Pu Zo Bawi an a sawi. Hemi te 3 zinga mi pakhat hi Chin State CM ah Burma President in a ruat ngei rin an ni a, hemi 3 zingah tu pawh hi CM an ni thei vek a ni.
    Burma president leh sorkar thar, Chin state CM leh sorkar thar chuan APRIL 1, 2016 ah lalna an la ang. Lo thlir zel ang u.
    Source: http://www.khonumthungburmese.org/?p=5540
    by Dr. Ro Ding

    Facebook comments