• MYANMAR PARLIAMENTARY BY-ELECTION NEIH TUM THULH LEH ANI

    Sept 7, 2014: Myanmar UnionElection Commission chuan Parliamentary seat 35 ruak awm hnawhkhah nan a, tun kum tawp lama byelection neih an tum chu an thulh leh thu, Commission Chairman, Tin Aye chuan Yangon-a media te hnehah a puang thut.

    Thulh a nihna chhan nia a sawi lan te chu, kum 2015 General Election atan a inbuatsaih a tul thu te, November thla a Myanmar in Southeast Asian Nations pawl te inkhawmpui (Summitof Association) an thlen dawn avanga an mawhphurna te leh an election dan ang a political party ten candidate 3 tal an kaihruai tur a ni, a nih loh chuan an tawp a ngai dawn si a political party 67 awmna ramah, he dan hlen hi thil buaithlak tak a ni, a ti a.Tin Aye chuan tun thleng a hun an ruat lawk theih chinah chuan nakum electionchu November thlaah neih tum a nih thu a puang.Tun March thla khan, Commission chuan, chhan leh vang hrang hrang avang a, seat ruak 30 chuang awm ta chu hnawkhah anih theih nan, byelection neih a nih tur thu a lo puang lawk tawh a ni.Lower House member, Khaing Maung Yi, erawh chuan he thuthlukna an siamtak chungchang hi engmmahhriat a la neilo a ti a, an thulh chhan an sawi teh pawh hi chhuanlam mai a ni a ti."Election hi an puan tawh avangin an nei ngei tur a ni." a ti.Mitin ngaihsan Aung Sanf Suu Kyi-i pawl Party of Democracy lama an thupuangtu ber, Nyan Win chuan, Commission in election a thulh hi chu a tha ber lo na in, 2015 General election a hnaih tawh em avangin, political tak chuan nghawng a nei teh chiam lo ang, a ti.Myanmar Legislature hian Upper House-ah hian member 224 nei in, Lower Houseah member 440 a nei ani. House pahnih ah hian Military lam miruat ten 25% ve ve an hauh bawk..
    source :CHANCHIN THAR(Zofate tan)
    source dang : http://abcnews.go.com/International/...ction-25323515

    Facebook comments