• Thumbelina (The Horse)

    Kum 2006 nipui lai khan Guinness World Records chuan Thumbelina chu khawvela sakawrte berah a puang a ni. A dik tak chuan inches 17 leh a chanve a sang a ni a, sakawrte ber record a ni.

    Thumbelina hi May ni 1, kum 2001 khan Goose Creek Farms, St. Louis, MO -ah a lo piang a. Pounds 8 leh a chanve niin a san zawng chu inches 10 a ni a, a tet em avangin a hmutu apiangin mak an ti a ni. A chhan chu a nu leh a pa hi Sakawr pian pangai tak an ni a, an ni kara Goose Thumbelina anga sakawr te tak te lo piang hi a makin rin ngaihna a awm lo reng a ni.
    Vawiin thleng hian Thumbelina chu a hrisel thain a rual ho zingah a la khawsa ve zel a. A chang chuan mak deuh maiin farm chhunga ramsa zawng zawng chunga thuber Boss ah a tang thin a, Ui pawhin an zui duan zuan a ni. A tetlai atang tawhin Thumbelina hian buhpawl zinga ui in awm chu a inah a nei tawp mai a. Ui pawh an lawm lo thin khawp mai, amah erawhchu zan tin ui inah chuan a la riak ziah a ni.
    Sakawr pangai pianghlim aiin te zawk mahse Thumbelina hian a tetna hi a hre ngai lova, a mahah hi chuan khawvela sakawr lian ber niin a inhre tlat a ni. Hei vang hian Thumbelina chu he farm chawkhlim tu ber a nih phah fo a ni.

    posted by Hringngen Siama Rolut

    Facebook comments