• PAWNGSUAL HI THIL ZAHTHLAK TAWP A NI, IN FAPA TE KHA THUNUN RAWH U by MODI

    Aug 16, 2014: PM anih hnua a vawikhat nan PM Modi chuan nimin khan India mipuite hmaah, tradition ang hiala kan lo neih tawh, ziaksa chhiarchhuah duh lovin 'a tlachawp' in huaisen takin India mipuite hmaah Minute 60 dawn thu a sawi a, Pu Nehru-a tihlohah chuan I-day thuchah sawi rei ber ala ni.

    A rei chauh a nilo, hmel pawh a hmuhnawm. Heti ang a I-day thuchah ziak lova a sawia sawi hi Nehru leh Indira Gandhi chiah kha anla awm a, India PM zinga thusawi a thiamber pakhat a, sawi thin, Atal Bihari Vajpayee meuh pawh khan a chhiarin a chhiar chhuak a ni.
    A thusawi zawng zawng te chipchiara sawi vek sen a ni lova, tlem i han tarlang teh ang:

    * "Mipa 1,000 zelah hmeichhia 940 an awm a, he inbuk tawklo lutuk hi tu vang nge? Pathian chu a ni miah lo. Doctor te pawh ka ngen a che u, hmeichhia, nu in a pai lai hi titla suh u. Nu te leh an unaute pawh fapa neih beisei avanga hmeichhia tihlum (sacrifice) lo turin ka fuih bawk che u a ni a ti.

    Chhungkaw tam tak, an upat hnua anmahni an enkawl theih beiseina avanga mipa naupang duh zawk a hmuh thin thu a sawi a-
    "Chhungkaw pakhat, fapa hlir 5 nei nei ka hria a, an vaiin in ropui takah car rual nen an khawsa a, mahse an nu leh pate chu Tar Inah an dah a.
    Chhungkaw pakhat, fanu pakhat chiah nei ka hre bawk a, chu an fanu chuan a duhthusam leh chak zawng zawng zawng (dreams) kalsanin, pasal pawh nei lovin a nu leh pa upa tawh tak te chu enkawl turin a inhlan (sacrificed) a ni. He point te han ngaihtuah hian tun kum zab 21-na ah hian hmeichhe naupiang tihhlum leh rilru bawlhlawh tak te hi thlak danglam a hun tawh a ni," a ti.

    * Hei hi ka tiam a che u. Darkar 12 hna in thawh chuan darkar 13 ka thawk ang, darkar 13 in thawh chuan 14 ka thawk ang. Engvang in maw? A chhan chu prime minister ka ni mai lo, sorkar chhiahhlawh rinawm (pradhan mantri) ka ni.

    * India ram mihring vaibelchhe 125 te hian penkhat theuh pawh a hma kan sawn chuan India ram hian pen Vaibelchhe 125-in hma a sawn dawn tihna a ni.

    * Delhi-ah hian pawnlam mi ka ni thin a. Tunah thlahnih ka awm ve ta a, insider view ka nei ve tawh a. Mak ka ti. Sorkar kaldan tam tak ka hmu a, department pakhatin department dang a bei a ni. Hei hi kan tihtawp angai a ni. Mission pakhat neih kan duh: Take the nation forward.

    * Chhungkaw rethei tak atanga lo chhuak ka ni a, miretheite hian dignity an neih hi ka duh a ni. Clean India movement tan kan duh a, ram kan siam dawn anih chuan thingtlang atangin i tan ang u.

    * Chi leh chi emaw sakhua leh sakhua emaw anga intihbuaina hian ram leh hnam than a ti thuanawp a, heng lak atang hian i inthiar fihlim ang u.

    * India hi the land of snake charmers ti a hriat a ni thin a, vawiin ni ah chuan kan IT professionals ten hei hi mi kalpelh tir tawh.

    * He Red Fort bang atang hian khawvel hi ka ngen duh che u, 'come, make in India'. Khawvela company te hi hei hi ka hrilh duh a ni, skill, talent leh discipline kan nei... Electronics atangin electricals, chemicals atangin pharmaceuticals, lo kal ula, India-ah hian hna rawn thawk rawh u (come, make in India). Paper atangin plastic, automobiles atangin agricultural products, come, make in India, satellite atangin submarine, come, make in India. Theihna (capabilities) kan nei a nia. Lokal ula India ah hian i han siam ang u hmiang. In thilsiam chhuah te chu khawvel hmuntinah hralh ula, mahse India ah hian rawn siam rawh u. Thil tihtheihna (power) kan nei e, lokal rawh u, ka sawm a che u.

    * Kan ram thalaite vawn tlat (mantra) atana ka duh chu, kan lakluh ang pakhat tal siamchhuah hi a ni. Thil siamah hian in chalrem mai mai suh u. Stress on Zero defect, Zero effect (impact of environment). Kan thilsiam (manufacturing) te hi zero defects an ni tur a ni, chuti chuan kan products te hi global market-ah hian hnawl a ni tur a nilo. Hemi piahlamah hian kan thilsiamte hian kan environment-ah negative impact a nei tur a nilo tih hi kan vawng reng tur a ni

    * Nu leh pa te ka zawt duh che u, in fanu te kum 11 emaw 14 emaw anlo ni chhova, an khuahkhirh em em a, heng nu le pa te hian an fapa te hi khawiah nge an kal a, enge an tih tih, tute nen nge an inhmuh thin tih hi an zawt ve ngai em? Pawngsualtute hi tute fapa emaw hlir an ni. Kan fapate humsual dai leh dailoh hi nu leh pate mawhphurhna a ni.

    by Kiddy Vanchhawng

    Facebook comments