• EBOLA HRI HLAUHAWM LAKAH KRISTIAN MISSIONARY TEN NUN HLAN!

    Texas doctor, Dr. Kent Brantly leh a chhungte chuan tunlai khawvela hri leng hlauhawm ber Ebola hluarna ram Liberia chu luh chilhin Ebola natna vei mekte enkawl hna chu an beingawrh hle a. Chutia mite tanpuia theih tawp an chhuah mek lai chuan Dr. Kent chuan he natna hri hi a damlo enkawl mekte hnen atang a kai chhawng ve ta a. Engtia rei nge a dam dawn tih chu Pathian chauhin a hria. "He natna lakah hian Pathian chuan min chhan chhuak thei tih ka hria, min chhan chhuak lo mahse Isua tan ka nun avangin ka lawm tho a ni" tiin Dr.Kent chuan hlim hmelpu chungin a sawi a. "Dr. Kent hian a dam chhung zawnga medical missionary hna thawk turin a rilru a siam fel tawh a; a rilru hi Africa ramah a phum a ni", tiin Kent a thianpa Jan chuan Associated Press te a hrilh bawk.

    Dr. Kent rawngbawlpui pi Nancy Writebol pawh a dawm lo bawisawmna atang he hri hi a kai ve a, a dinhmun derthawng hle niin an sawi bawk a.
    July 30, 2014 Thawhtan ni khan Sierra Leone rama Ebola natna tuarte enkawltu ber Dr Khan pawh he hri vang hian a boral thu BBC reporter ten an tar lang.
    Ebola hri hi tunlai khawvela mihring nunna suattu hri hlauhawm ber niin WHO chuan an sawi a, February thla leh tun inkarah ngawt pawh hian mi 700 dawn laiin an thih phah tawh a; he natnain a tlakbuak tawh chu 100 ah 90 in an thihpui a ni. Mithiam rual ten theih tawp chhuah mahse a damdawi leh invenna tur pawh an la hmu chhuak thei lo.
    Krista tana nun hlan mek Missionary te leh Ebola hri in a tihbuai mekte tan i tawngtaipui ang u.
    Sources:
    - http://www.vox.com/2014/7/29/5948415...guinea-nigeria
    - http://www.christianpost.com/news/dr...a-says-123986/
    - http://www.charlotteobserver.com/201...l#.U9jp3fmSw7t


    by Mizo Khawvel

    Facebook comments