• EBOLA KAI NI A RINHLELH CHENNAI DAMDAWIIN ATANGIN CHHUAHTIR A NI TA

    Aug 10, 2014: Vawiin chawhnu lam khan tlangval pakhat kum 25 mi, Ebola natna kai ni a rinhlelh chu Government General Hospital, Chennai isolation ward-a enfiah leh chian anih hnu in chhuahtir a ni.

    Damdawiina doctor te chuan he tlangval taksa-ah hian Ebola natna lanchhuah dan (symptom) engmah a lang lova, a taksa bung pawimawh (vital) pawh a pangngai vek niin an sawi. Amah hi vawiin chawhnu lam khan an khua Theni district, Tamil Nadu-ah ambulance-108 a hruai hawn a ni.
    Hepa hi Inrinni zan khan Guinea atangin Chennai a rawn thleng a, airport-a health facility panin hri a kai leh kai loh test turin a ngen a ni.
    Doctor te chuan damdawiin atang hian chhuahtir nimahsela local health authority ten an lo enzui (monitor) reng ang an ti.
    Guinea chuan tunah hian Africa khawthlang lama an thenawm ram, Sierra Leone leh Liberia te nena an inkalpawhna zawng zawng a khar vek tawh a ni.

    by Rohlupuia Ralte

    Facebook comments