• Dubai Khawpui Chhungah Air Condition Indoor Khawpui Sa Dawn

    Football indoor stadium ringawt pawh ram nazawngin an la neih theih loh laiin, Arab mihausa tawntau te awmkhawmna UAE chuan, an khawpui Dubai chhungah square feet maktaduai 48 a zau 'indoor city' sak an tum hem mai!

    He indoor khawpui chhungah hian khawvela park lian ber ni turte, bazarna hmun(shopping mall) khawvela lian ber ber ni pha turte, kawngpui km 4.5 a thui te, damdawiin te, hotel za chuang, in engemawzah leh thildang tam tak dah an tum a ni. Tin, he khawpui chhung hi air-condition anih dawn bawk avangin a project hmingah pawh 'temperature-controlled pedestrian city' tiin an vuah nghe nghe.


    UAE ah hian Nipui laiin khua a lum em em a, 50C te a hawlh kai hial thin avangin Nipui laiin khualzin te tlawh a hlawh lo hle a, he project hi Nipui lai a khualzinte hip nan a tih a ni deuh ber. An chhut lawk danin khualzin tlawhtu maktaduai 180 vel kum khat chhungin hmuh an inbeisei a ni.


    A riruang tur pawh hi an duang fel thawkhat tawh a, pic-a ka rawn tarlan te hi a thlalak thenkhatte anni. UAE Vice President, Sheikh Mohammad Bin Rashid Al Maktoum-a chuan an tih puitlin ngei tur thu a sawi a ni.


    by Joseph Lr Kop Chhangte

    Facebook comments