• German Ral A Lian, Brazil An Tap!!!

    FIFA world Cup Semi finals,match 61,Belo Horizonte Estadio Mineirao khelmuala Germany leh rin kai tak Brazil inkhelah Germany chuan 7-1 in an hneh a,Brazil an tap a,Coach Scolari chuan "ka piana hnu lama ka chhetchhiat ber tum a ni' a ti.

    Inkhel tan atangin Brazil-in an nawr nghal a, engtikah tak pet lut ang maw tih laiin Minute 11-naa German corner pet chu T.Muller chuan a pet lut ta mai a. Minute 23-naah Klose chuan world cup-a goal thun tam ber record siamna goal a thun leh ta a,a hnu lawk minute 24-na leh 26-naah T.Kroos chuan vawi 2 a thun leh ta a,minute 29-naah S.Khedira chuan a pet lut leh ta bawk a,minute 29 chhung lekin German lam chuan Brazil lamah goal 5 teh meuh an han khung ta mai chu Estadio Mineirao khelmuala a entu mi sing zet 6 deuh thaw a barakhaih hle a,a then a tap a, a then a tum bur mai a ni.


    Second half-ah Brazilin a nawr nat poh leh a sawhkhawk a na emaw tih mai turin Minute 69-na-ah rawlthar A.Schurrel chuan kawh zetin a pet lut leh ta mai a, a hnu lawk minute 79-naah he German rawl thar bawk hian Young player of the match nih phu hliah hliah khawpin goal ropui a thun a, Brazil si veng Cesar a hrilhai hmel hle mai. A tawp dawn tep minute 90-naah Oscar chuan German goal-ah a thun ve ta hram a,commentator chuan "Goal pet lut ka hmuh tawh a zawnga lawm hlawh lo ber a ni e" a ti thlawt a ni.


    Brazil football khawvela zahthlak ber leh chhetchhiat ber tum an tawng ta a,Germany erawh chuan a hun taka hmun pawimawha thleng zung zung German football professionalism an entir thung a ni.

    Ziaktu - Fanai Laltansanga

    Facebook comments