• Japan Company-te Chuan Farhnai En thlithlai-in Chin State An Thlawh

    October thla khan Japan company pahnih Mitsubishi leh Marima Co. Ltd chuan Chin state nena far hnai hmanga insumdawn tawna nei turin Chin state khawpui Hakha an tlawh a, far hnai an enthlitlai nghal bawk a ni.

    Company director leh mi pawimawhte chuan Chin state minister-te hmuin far hnai lak chhuah chungchang te, a ching zel dan te leh a kung venhimna lam sawihoin an ngaihtuah ho a ni.

    He Japan company -te hian Ram 11-ah farhnai factory 11 an nei a, thil chi hrang hrang 12 ah an siam chhuak a ni. A langsar zualte chu lehkha phek, lehkha tui, thil charna (glue), tyre (motor tyre etc.) leh incheina chi hrang hrangah an siam chhuak a ni.

    Chin state-a far hnai chungchanga insumdawn tawnna nei turin sorkar laipui leh Japan sorkar chu inbiain an inrem tawh a, mahse Chin mite'n company tan an farhnai an hlan chhuah phal leh phal loh a zirin company chuan a leiin a lei dawn lo a ni. Chuan company chuan tualchhung mite'n (chin mite'n) hlawhna nei thei ngei se a ṭhat tur thu sawiin an duhsak thu an sawi bawk.

    Far kung hi Chin state 9 zingah 8 ah hian a awm deuh vek a ni.

    Facebook comments